Answer:
Ang pagkakaibigan ay nabubuo sa pamamagitan ng isang malalim na ugnayan ng dalawa o mahigit pang tao na hindi nakabatay sa kanilang mga katangian kundi sa mas malalim na aspekto ng kanilang pagkatao.
Iba’t Ibang Kahulugan ng Pagkakaibigan;
Ayon sa Webster’s Dictionary, Ang pagkakaibigan ay nangangahulugan ng pagkakaroon ng ugnayan sa isang tao dahil sa pagmamahal (affection) at Pagpapahalaga (esteem).
Ayon kay Aristotle, “Ang tunay na pagkakaibigan ay sumisibol mula sa pagmamahal ng mga taong malalim na nakikilala ang pagkatao sa pananaw ng sarili at iba.Ito ay isang natatanging damdamin para sa espesyal na tao na mas higit ang halaga sa isang ordinaryong kakilala lamang. Hindi ito pumapanig sa kabutihan ng iisa kundi ng isat-isa. Naiaangat nito ang antas ng buhay tungo sa positibong ugnayan ng isang lipunan”.
Ayon kay Emerson, “Ang biyaya ng mabuting pagkakaibigan ay hindi lamang nakakamit sa ngiti at saya ng isang pangkat ng magkakaibigan o ng tulong at pabor na maibibigay nila.Kundi ito ay mararamdaman sa inspirasyong nagmumula sa taong naniniwala at nagtitiwala sa atin ”.
Sabi ni William James, “Ang wagas na pagkakaibigan ay bunga ng pagsisikap na dalisayin at patatagin ang ugnayan sa pangmatagalang panahon.” Kung kaya dapat na unawain na kailangan ng pagsisikap upang tumagal ang pagkakaibigan. Ang pagsisikap ng sinuman na alagaan ang ugnayan sa isang kaibigan ang nagpapatingkad ng halaga ng isang samahan.
Ang kaibigan ay ang taong iyong maasahan, masasandalan at takbuhan, sa mga oras ng pangangailangan. Sila ang isa sa mga katuwang mo sa iyong mga problema bukod sa iyong pamilya. Ang ating kaibigan, ay isang mahalagang taong maaaring tumulong sa atin upang mas mahubog pa ang ating pagkatao.
Napakahalaga na taglayin natin ang katangiang maging tapat sa ating mga kaibigan dahil isa itong paraan upang mas lalo pang maging matibay at matatag ang ugnayan at samahan ng isa’t isa. Ang pagiging tapat sa isa’t isa ay magiging pundasyon sa pagbuo ng tiwala at kapanatagan ng kalooban. Kung tapat at totoo ka sa iyong kaibigan, wala kang itatago at hindi ka maglilihim magiging payapa at maayos ang inyong samahan. Ang samahang walang makakatibag at samahang hindi kailanman mapaghihiwalay ng sinuman.
Ngunit, dapat ring palagi nating tandaan na ang katapatan ng kaibigan ay hindi lamang masusukat sa panahon ng pangangailangan kundi nakikita ito sa bawat bagay na ginagawa niya, malaki man ito o maliit maaring magkaroon pa rin ito ng isang malaking epekto sa iyong pagkatao.
Ang kaibigan ay hindi basta-basta mahahanap, hindi maaaring pagkakita mo sa isang tao ay mararamdaman mo na magiging malapit kayo sa isa’t isa. Dumadaan ito sa isang mahabang proseso
Explanation:
answer po ni preciousclamour
