Answer:
Answer:
Ang pananaliksik ay ang pagtuklas at pagsubok ng isang teorya upang lutasin ang problema o hadlang sa buhay ng isang suliranin na nanailangan na bigyan ng solusyon.
Napakahalaga ng pananaliksik dahil maari nitong mapalago ang buhay ng iba’t ibang uri ng tao. Saklaw nito ang napakaraming benipisyo para sa ikabubuti ng pamumuhay ng iba’t ibang larangan. Ginagamit ang pananaliksi bilang:
Maging solusyon sa isang suliranin.
Makatuklas ng bagong kaalaman, konsepto, at makapangalap ng mga impormasyon.
Nakikita ang kabihasnan na umiiral ng isang bagay.
Mapaunlad at mapalawak ang kaalaman ng isang tao
Paano nakakatulong ang pananaliksik sa paglago ng isang tao?
Nagpapayaman ng Kaisipan
Lumalawak ang kasipan ng isang mananaliksik dahil sa walang humpay na pagbabasa, pag-iisip, pagsusuri, paglalahad at paglalapat ng interpretasyon sa mga impormasyong nakalap.
Gayundin, nakapaggagalugad at nakapaghahanda ka para sa iyong karera sa hinaharap dahil sa nasasanay kang magbasa at mag-analisa ng mga datos na nagbubunga ng pagkakaroon ng mas malawak na kaalamang magagamit sa iyong propesyon
Lumalawak ang Karanasan
Lumalawak ang karanasan ng isang manunulat sa mundo ng pananaliksik dahil maraming nakakasalamuha sa pangangalap pa lang ng mahahalagang datos, sa pagbabasa, paggalugad sa mga kaugnay na literature at sa mga taong nakakapanayam na may kinalaman sa pananaliksik.
Nahahasa rin ang iyong kagalingan sa pakikipagkapwa-tao dahil sa iyong pakikipanayam. Sa pamamagitan nito, nagiging mahusay ka sa pakikibagay dahil sa kagalingan mong makipag- ugnay sa iba’t ibang tao upang makakuha ng mga mahalagang datos.
Nalilinang ang Tiwala sa Sarili
Tumataas ang respeto at tiwala sa sarili kung magiging maayos at matagumpay na naisakatuparan ang alin mang pag-aaral at pananaliksi na isinagawa. Mahalagang parte ng buhay ng tagapagsaliksik ay ang pagkakaroon ng kumpiyansa sa sarili upang mapagtagumpayan at malampasan ang lahat ng mga balakid at pagsubok habang nananaliksik.
Sa proseso, napauunlad mo ang iyong pagiging analitikal at kritikal na pag-iisip na nagreresulta ng pagiging matatag mo sa buhay---nakakaya mong tumayong mag-isa. Gayundin, dahil nasasanay ka sa paghahanap ng mga datos na sasagot sa iyong suliranin at dahil nakakaya mong tapusin ang proyekto, mas madali ang pagharap mo sa mga pagsubok sa buhay.
Nadaragdagan ang Kaalaman
Ang gawaing pananaliksik ay isang bagong kaalaman para sa bawat isa dahil ditto, nahuhubog ang kamalayan sa larangan ng pananaliksik. Maging sa iba pang aspeto ng buhay ng mananaliksik ay nabibigyang kasagutan, lumilinaw ang kaisipan, napapaawak ang kaalaman at umuusbong ang bagong kasanayan.
Bukod sa sariling pag-unlad, ang proseso ng pagtitipon-tipon ng mga nabasang ideya o pananaw mula sa iba’t ibang manunulat ay naghahasa ng kaisipan bilang indibidwal. Nangangahulugan itong nadaragdagan ang iyong kaalaman at pagkatuto.
Iba pang Kahulugan ng Pananaliksik Ayon sa Iba’t Ibang Mga Awtor
Good, 1963 – Ito ay isang maingat, kritikal, at disiplinadong pagtatanong ng impormasyon sa pamamagitan ng iba’t ibang paraan na ayon sa kalikasan at kalalagyan ng suliraning tinukoy tungo sa solusyon nito.
Aquina, 1974 – Ito ay isang detalyadong kahulugan at isang sistematikong paghahanap at pagsusuri sa mga importanteng impormasyon tungkol sa isang tiyak na paksa o suliranin
Manuel at Medel, 1976 – Ito ay isang proseso ng pangangalap ng impormasyon o datos para masolusyonan ang isang karaniwang problema sa paraang siyentipiko.
Parel, 1966 – Isa itong sistematikong pag-aaral o imbestigasyon ng isang bagay na ang layunin ay mabigyan ng sagot ang mga katanungan ng isang nagsusuri o nananaliksik.
E. Trece at J. W. Trece, 1973 – Ito ay isang pagsubok para makakuha ng mga sagot ng mga walang katiyakan. Ito rin ay isang pag-iipon ng impormasyon o datos sa isang kontroladong kalagayan para mahulaan at makapaliwanag.
Calderon at Gonzales, 1993 – Ayon sa kanila, ito naman ay isang sistematiko at siyentipikong pamamaraan ng pag-iipon, pagsusuri, paglilinaw, pag-aayos, pagpaliwanag, at pagbigyang kahulugan nga isang datos o impormasyon na nangangailangan ng solusyon sa problema. Ito rin ang palawakin sa mga limitadong kaalaman at pagpakita ng pag-unlad sa buhay ng tao.
Kerlinger, 1973 – Ayon naman sa kanya, ito ay isang sistematiko, kontrolado, panigurado sa obsebasyon, at panunuri ng mga panukalang hypotetikal ukol sa inaakalang relasyon sa mga natural na pangyayari.
#LetsStudy
Explanation:
Para sa karagdagan pang Kaalaman i-click ang link sa ibaba:
Iba pang Kahulugan ng Pananaliksik: brainly.ph/question/1480905
