Explanation:
Ginawa ko naman ang lahat
Sumugal ako kahit alam kong talo
Iginugol ko lahat ng oras ko sa 'yo
Para maramdaman mo lang na ganyan kita kamahal
Pero parang wala lang sa 'yo ang lahat
Ng mga paghihirap ko
Sana'y 'di na lang kita nakilala
Sana'y 'di na lang kita nakasama
Sinaktan mo lang ako
Sana'y 'di na lang kita minahal
'Di na sana nagising sa magandang panaginip
Kung madaratnan ko lang ang umagang kay sakit
'Di na sana niyakap ang kunwari mong pagtingin
Para 'di ako nasugatan sa ginawa mong patalim
Pero parang ayos lang sa 'yo ang lahat
Kahit na ako'y sugatan
Sana'y 'di na lang kita nakilala
Sana'y 'di na lang kita nakasama
Sinaktan mo lang ako
Sana'y 'di na lang kita minahal
Nu'ng una kitang makilala, halos napakasaya ko
Halos 'di maipinta 'yung mga ngiti sa labi ko
'Yung tipong sabay tayong naggo-"Good morning" sa isa't isa
'Yung tipong sabay tayong nag-aalala
At tanong na "Kumain ka na ba?" at "Asan ka?"
'Yung lambing na 'di na tayo mapaghihiwalay
Kaso lahat ng 'yon ay akala ko lang pala
Dumating ang umaga na nagbago kang bigla
'Yung lambing? Pagmamahal? Tuluyan na ngang nawala
Nasan na 'yung dating ikaw?
'Yung dating ikaw na kapag kasama ko, 'yung puso ko'y humihiyaw
Mahal, miss na miss na kita, kailan ka ba babalik?
Miss ko na 'yung init ng 'yong yakap at tamis ng 'yong halik
Pero kung usapang pagbabalik, mukhang malabo na
Dahil lahat ng pagkukulang ko, wala, eh, napunan na ng iba
Sana'y 'di na lang kita nakilala
Sana'y 'di na lang kita nakasama
Sinaktan mo lang ako
Sana'y 'di na lang kita minahal
Oh, whoa
Minahal
ETO TULA
Ako’y inalipin mo sa matagal nating pinagsamahan,
Ako’y sinunggab mo ng iyong mga palihim na kataksilan.
Ngayon, paano na ako lalaban,
Na kung yung dating tayo, sayo ay wala ng dahilan?
Sa mga paglingon ko ika’y nasisilayan
Ni hindi ko nga alam kung bakit ganto pa rin ang kalagayan;
Kalagayan na matagal nang kinikimkim
Na sa bawat tiyansa para sa bagong tayo’y biglang dumidilim.
Sa iyong mga kamay ako’y nasasabik
At iyong mga imahe sana’y di na bumalik;
Bumalik sa akin ang lahat ng mga masasakit na ginawa,
Na para bang bulag na nagmamakaawa.
Sinusubukan kitang kalimutan,
At pakiusap wag mo na sana kong lapitan.
Kung magbabalik ka man sinta,
Ako’y buo na at sa isip ko’y matagal ka ng nabura.
Ito na, buo na ang aking pasya
Kung aalis ka, umalis ka na.
Hindi na kita kelangan at hubog na ako
Hinubog ng maling tao pero may bago’t mas maayos na ako.
