Isang araw, lumuwas ng Bani, Pangasinan ang magkapatid na Ric at Lito upang mamili ng mga isdang paninda. Marami silang nabiling isda sa palengke kaya maaga silang nakasakay pabalik. Napansin nila, luma at butas-butas na pala ang nasakyang bus. Balak nilang lumipat sa susunod na terminal ngunit hindi sila nakalipat. Dahil sa pagod, nakaidlip sila sa bus. Maya maya'y bumigay na ang gulong ng bus na naging sanhi ng kanilang aksidente. Natumba ang bus sa isang kalye ng Labrador, Pangasinan. Nasugatan sa ulo si Lito at sa balikat naman si Ric. Hindi nagtagal, may dumaan na kotse. Huminto ito sa tapat ng bus na naaksidente. Isang matandang babae ang drayber ng kotse. Tinawag ng babae ang mga sugatan . Inutusan ni Ric si Lito na sumama dahil mas malubha ang sugat niya. Dinala sila sa isang ospital sa Dagupan City. Inayos naman ni Ric ang kanilang mga kargang isda. Isinakay din sina Ric at iba pang mga pasahero sa isang dyip hanggang sa terminal ng bus sa Dagupan. Sa pagsakay ni Ric ng bus sa terminal, tamang-tama naman na naroon na si Lito na nakasakay. Kaya sabay din silang nakauwi ng bahay. Nakalulungkot man ang sinapit ng magkapatid sa daan, ngunit natuwa sila at nagpasalamat sa Panginoon dahil nakauwi silang buhay. 1. Sino ang pangunahing tauhan sa kuwento? A. ang magkapatid B. ang babaeng drayber C. ang drayber ng bus 2. Ano ang nangyari sa magkapatid? A. naaksidente. mano B. nakauwi nang maayos C. nakaligtas
