TEKSTO:

Ang Renaissance ay yugto sa kasaysayan ng mundo na partikular na

naganap sa Europa. Ang panahong ito ay nagsimula ng ika-14 na siglo at

nagwakas ng ika-17 siglo. Ito ang yugto o peryodo sa pagitan ng Gitnang Panahon

( Middle Ages) at Modernong Panahon. Ang Renaissance ay kilusang

intelektuwal at kultural na naglalayong itaguyod ang muling pag-aaral ng kultura at

panitikan ng sibilisasyong Romano at Griego.Ang pagnanasang ito ay nagmula sa

matagal na pagkalimot sa mga pamana ng sinaunang Romano,matapos ang

pagbagsak ng kanlurang bahagi ng Imperyong Romano. Ito ay nag-ugat sa

pagsakop ng mga barbarong Aleman sa siyudad ng Roma noong Setyembre 4, 476

A.D. sa pamumuno ni Odoacer. Pinatalsik ni Odoacer ang batang emperador na si

Romulus Augustulus na tuluyang nagpabagsak sa kanlurang bahagi ng emperyo.

Ang pagbagsak ng Roma ay naging daan sa pagkakalugmok ng kanlurang bahagi

ng Europa at pagpasok ng kaguluhan,kalituhan, at pandemya, ang pangyayaring ito

ay tinatawag na “Panahon ng Karimlan”(Dark Age) o sa ibang katawagan ay

tinatawag na Gitnang Panahon (Middle Age).

Sa pagdaan ng panahon ay unti-unting umunlad ang ilang bahagi ng

Europa matapos ang matagal na pagkakalugmok dulot ng pananakop ng ibat-ibang

barbarong Aleman.Sa kalaunan, isa ang bansang Italya sa higit na nabiyayaan ng
pag-unlad nito. Matapos ang paglakas ng Turkong Ottoman na nagpabagsak sa

Imperyong Byzantine.Isinara ng mga turko ang rutang pangkalakalan sa mga

Europeo na nasa kanluran at dahil dito ay nagkaroon ng kasalatan sa mga

produktong mula sa silangan ang pamilihan sa ibat-ibang dako ng Europa. Ngunit

ang mga Italyano ay nabigyan ng pagkakataon na makontrol ang kalakalan ng mga

produktong porselana,seda at pampalasa(spices) na mula sa Asya dahil sila lamang

ang binigyan ng pahintulot ng mga Turkong Muslim na dumaan sa rutang

kinokontrol ng mga ito.At dahil dito ay unti-unting umunlad ang mamamayan nito at

naging daan sa pag-usbong ng mga mararangyang lungsod gaya ng Florence.Ang

kalakalang ito ay naging daan sa pagsilang ng mga mayayamang pamilya gaya ng

Medici’s na ang labis na salapi ay nagamit sa pagsuporta sa mga makata,pintor at

manunulat.

Ang kalagayang ito ay nagbigay daan sa muling pagsilang ng interes sa nakaraang

pamana at kaalaman sa kabihasnang Griego at Romano. Ang pagsibol ng yugto ng

Renaissance ay nagbigay ng pagkakataon sa mga kilusang intelekwal na tinatawag

na Humanista. Ang kilusang Humanista ay nakatuon sa pagbibigay tuon sa pag-

aaral ng klasikal na sibilisasyong Griego at Romano na sinasabing kailangang

matutuhan upang magkaroon ng isang moral at epektibong pamumuhay.Ang

Kilusang Humanista ay kumikilala sa paniniwalang ang tao ang sentro ng

sangsinukob at dumadakila sa kapabilidad ng tao na paunlarin ang kanyang buhay.

Ang pagkontrol ng mga Italyano sa kalakalan sa mga produktong pampalasa at

iba pang marangyang produkto gaya ng seda at porselana, ang naging hudyat sa

pagsulpot ng mga mayayamang pamilya na nagsilbing patron ng sining gaya ni

Lorenzo de Medici na naging patron o tagasuporta ng mga manlilikhang gaya nina

Boticelli at Michaelangelo. Naging susi din ang pagkakaimbento ni Johannes

Guttenburg ng printing press na nagdulot ng pagkakaimprenta ng higit na

maraming aklat na nagbigay pagkakataon sa maraming tao na makapagbasa ng

mga literatura at mga bagong karunungan. Ang kaisipang Renaissance ay unang

kumalat sa mga lungsod-estado ng Italya gaya ng Venice, Milan, Bologna, Ferrara,

at Roma.Sa panahon ng ika-15 siglo ang kaisipang Renaisance ay lumaganap mula

sa Italya patungong France at sumunod ang Kanlurang Europa at Hilagang
Europa. Ang mga likhang obra nila Petrarch at Giovanni Boccaccio na naisulat sa

sariling bernakular o sariling lenguwahe ay nakatulong sa paglaganap ng kaisipang

Renaissance dahil nagkaroon ng pagkakataon ang mga ordinaryong tao na

makapagbasa at maipalaganap pa ang kaalaman sa nakalipas na klasikal na

karunungan.

Ang Renaissance ay malaki ang naging epekto sa kamalayan at pamumuhay

ng mga mamamayan nito, Ang yugtong ito ay naging transisyon ng kasaysayan ng

Europa mula sa Gitnang panahon patungo sa Makabagong Panahon. Ang mga

kaalamang natamo ng panahong ito ay hanggang sa kasalukuyan ay tinatamasa ng

mga mamamayan sa larangan ng agham,politika, at ekonomiya. Ang mga

imbensiyon, teorya, pilosopiya, at teknolohiya ay nakamit dahil sa pagnanasa ng

mga tao na uhaw sa karunungan.Ang kamalayang nalikha dito ay naging daan sa

paghina ng simbahan at pagkuwestiyon sa mga doktrina at aral na matagal na

niyakap ng mga tao sa nakalipas na panahon bago ang Renaissance.

​