Pananalangin
Ang mga tao sa ngayon ay nananalangin sa Diyos upang humiling ng isang bagay na nais makamtan. Paraan ang pananalangin para magkaroon ng magandang kaugnayan sa Diyos at ebidensiya na mayroon tayong pananampalataya. Sa tuwing tayo ay nananalangin, pinakikita natin na tayo ay nagtitiwala sa tulong ng Diyos at nariyan siya para sa atin.
Mga bagay na aking hinihingi sa Diyos sa aking panalangin
Ang ilan sa mga hinihiling ko sa Diyos ay bigyan ako ng kalakasan sa araw-araw at kasabay nito ang pagiging malayo sa anumang uri ng pagkakasakit. Dinadalangin ko rin na manatiling malusog ang aking kalusugan at maging malakas sa kabila na lumalaganap ang pandemiya sa ngayon. Gayundin, hinihiling ko rin sa kaniya na patnubayan ako kasama na ang buong pamilya ko para maingatan kaming ligtas. Kasabay nito, pinanalangin ko rin ang lahat ng tao na nakakaranas ng mga hamon, problema, kahirapan, pagsasakit, digmaan, pagdurusa, at ang mga taong namatayan ng mahal sa buhay na patibayin sila at patuloy na palakasin gaya ng binibigay niya sa akin.
Ang mga ginagawa kong pagkilos para matulungan ang aking espirituwal na paglago o pagsulong
Para matulungan ang aking espirituwal na pagsulong ako ay laging nananalangin sa Diyos araw-araw. Kasabay nito ay ang patuloy kong pagbabasa ng Bibliya ng regular at pagbubulay-bulayin dito para maipakit ko ito sa pamumuhay ko at mabago ko ang mga pagkukulang at pagkakamali ko. Gayundin, nagsisikap ako na daluhan ang mga pulong bilang paraan ng pagsamba ko upang mapasulong ang aking magandang kaugnayan sa Diyos. Pinanatili ko ito sa buhay ko lagi para manatili ang pag-ibig ko sa kaniya at mapaunlad pa ang pananampalataya ko. Isa pa, sinisikap ko rin na ibahagi sa iba ang mga natututuhan ko sa pag-aaral ng Bibliya upang matulungan rin ang ibang tao na pahalagahan ang kaugnayan sa Diyos.
Tandaan ito:
Kaya makikita natin na napakahalaga sa ngayon ang pagkakaroon ng magandang kaugnayan sa Diyos. Kailangan na lagi tayong manalangin at huwag natin itong kakalimutan habang tayo ay nabubuhay. Tandaan natin ang ilang mga bagay na binanggit sa itaas para mapasulong pa ang ating espirituwal. At kapag ginawa natin ito, tiyak na mapapasaya natin ang puso ng Diyos at lubusan tayong masisiyahan sa buhay kahit may problema.
Kung naisin mo pa makapagbasa ng higit, puwede mo pang bisitahin ang mga links na ito na may kaugnayan sa ating paksa:
Halimbawang mga tungkulin na may kinalaman sa paniniwalang espirituwal: brainly.ph/question/24358152
Ilan sa mga isinulat tungkol sa aspektong espirituwal at paliwanag nito: brainly.ph/question/2438286
Paano nakakaapekto sa buhay natin ang pananalangin o pagdadasal sa espirituwal at maging sa panlipunang buhay: brainly.ph/question/1602036
#BrainlyEveryday
