Answer:
Pagkakaroon ng kakayahang makagawa ng maingat na pagpapasya Ang bawat pagpapasiya sa panahon ng pagdadalaga/pagbibinata ay napakahalaga sapagkat ito ay maaring makabuo at makawasak ng kanilang mga sarili. Makatutulong ang gabay ng mga nakatatanda na higit na may alam sa mabuting pamumuhay sa paghubog sa kakayahang ito. Ito ay nararapat na malinang sa ikatataguyod ng maayos na pamumuhay, Paghahanda para sa paghahanapbuhay Ang panahon ng pagbibinata/pagdadalaga ay maraming oportunidad upang maihanda sa panahon ng paghahanapbuhay. Makatutulong na paunlarin ang mga talento o kakayahan, makilahok sa mga programa ng paaralan at pamayanan na makatutulong sa paglinang ng kakayahan at hubugin ang tiwala sa sarili. Paghahanda para sa pag-aasawa at pagpapamilya Mahalaga na alam mo ang iyong tunguhin. Makatutulong na malinaw sa iyo ang iyong pangarap at mithiin sapagkat sa pamamagitan nito ay maitutuon mo ang iyong sarili sa mga iyong prayoridad. Kasabay nito ay maihahanda mo ang iyong sarili sa kinabukasan kasama ang pamilya na iyong bubuuin sa hinaharap. Pagkakaroon ng mga pagpapahalaga (values) na gabay sa mabuting asal Ang pagkakaroon ng matibay na pagpapahalaga sa buhay ay makatutulong sa ating pakikipag-ugnayan sa kapwa. Sa pamamagitan nito ay alam natin ang mga bagay na makabubuti hindi lamang sa sarili kundi para na rin sa ating kapwa. Tunay na masarap mabuhay ng may maayos na pakikipag-ugnayan sa kapwa at higit pa doon ay ang pagkakaroon ng kaibigan na makakasama sa lahat ng panahon. Ano nga ba ang pakikipagkaibigan?
